open-weather Sasha Engelmann-ek eta Sophie Dyer-ek hasitako esperimentu feminista da. Lurra eta haren sistema klimatikoak irudikatzeko lankidetza-moduak aztertzen ditu, tresna eskuragarriak eta lorgarriak erabiliz.

COP26ren lehen egunean, 2021eko klimari buruzko konferentzian (Glasgow), open-weather buru zuen pertsona-sare global batek lurraren eta haren sistema klimatikoen irudi kolektiboa egin zuen, sarbide errazeko eta kostu txikiko antenak erabiliz. AEBetako Ozeanografia eta Atmosferaren Administrazio Nazionalaren (NOAA) hiru sateliteren seinalea jasotzeko beren antenak sintonizatuz, sareko parte-hartzaileek sateliteek beren kokapen geografikoari buruzko beste argazki eta artxibo batzuekin batera bidaltzen zituzten irudiak jaso zituzten. Material guztiak konbinatu ondoren, Lurraren eta egun horretako klimaren irudi poliperspektibista bat sortu zen.

open-weather-en proiektuak zaharkitu gisa etiketatutako satelite eta tresnak erabiltzen ditu Lurra irudikapen tekno-perfekzionistetatik haratago irudikatzeko. Hainbat eremu geografikotan kokatutako ikuspuntuetatik abiatuta, Lurraren eta haren klimaren irudi kolektiboa proposatzen dute, kokatua, zatikatua eta ezinezkoa, etorkizun iragarrezinaren garaian.

open-weather Lurra eta bere sistema meteorologikoak irudikatzeko esperimentu feminista bat da, mundu guztiaren eskura dauden tresna komunitarioak darabiltzana. Sophie Dyer ikertzaile-diseinatzaileak eta Sasha Engelmann geografo sortzaileak zuzendurik, open-weather-ek satelite-irudiak jasotzeari buruzko gida praktikoak, esparru kritikoak eta tailer publikoak biltzen ditu, doako edo kostu txikiko irrati-amateurren teknologiak erabiliz. Feminismo intersekzionalaren tradizioari jarraituz, open-weather-ek krisi klimatikoa behatzeko, negoziatzeko eta erantzuteko dugun gaitasuna osatzen duten kokapen-politikak eta elkarri lotutako zapalkuntzak ikertzen ditu. Hori egitean, open-weatherrek Lurraren eta ingurumenaren irudikapen nagusiak desafiatzen ditu, eta, aldi berean, eguraldiaren ideiak zailtzen ditu, meteorologiaz harago.

Sasha Engelmann geografo bat da, eta ingurumenaren ezagutza sortzeko diziplinarteko ikuspegiak, ikuspegi feministak eta sortzaileak aztertzen ditu. Geohumanitate irakaslea da Royal Holloway Unibertsitatean. Sophie Dyer ikertzailea eta diseinatzailea da. Krisiari Erantzuteko Amnistia Internazionaleko Proba Laborategian lan egiten du, eta, Engelmannekin batera, Kode Irekiko Ikerketa Feministen Taldearen (FemOS) kide sortzailea da.

open-weather (Erresuma Batua)
When I Image the Earth, I Imagine Another

2022ko edizioa
Barruko instalazioa eta Ezinezko Estazio Meterologikoa
Non: Punta Begoña Galeriak
Laguntzailea: Punta Begoña Galeriak