Erakusketa kolektibo honetan abangoardiako teknologia da aurkezten ditugun lanetako batzuen ardatza. Horien artean dago Good Luck With the Wall Josh Begley artistarena. 6 minutuko pieza multimedia honek Google Earth sateliteak hartutako 200.000 argazkitik gora biltzen ditu. The Sun Ladies, Maria Bello aktore eta aktibistaren errealitate birtualeko esperientzia saritua ere bertan izango dugu; Christian Stephen eta Celine Tricart-ek zuzendutako lanak, ikuslea, fronteko lehen lerrora eramaten du, gerrillari yazidien artean. Bitartean, Markel Redondo-ren Sand Castles lanak dronen teknologia erabiltzen du, Espainiako urbanismo neurrigabearen ondorio larriak zerutik begiratuta eskaintzeko.

Artista iparramerikarrak Estatu Batuak eta Mexiko, Pazifikotik Atlantikoraino, bereizten dituen 3.144 kilometrotako mugaren gai- neko aire-bidaia proposatzen digu. Sei minutuko pieza multimedia honek Google Earth-en sateliteek ateratako 200.000 argazkitik gora biltzen ditu. Josh Begley-k bi herrialdeak bereizten dituen horma eraikitzearen bideraezintasunaren inguruan hausnarketa egitera gonbidatzen gaitu. Munduari eta Donald Trump presidenteari berari ere bidaltzen dion abisu ideologikoa eta oso bisuala dugu eta AEB- etako azkeneko hauteskundeen emaitzari ematen dion erantzuna ere bada. Begley sarkasmoaz baliatzen da basamortu, ibai etalur menditsuen artean horma bat eraikitzeak eragingo lituzkeen erronkak aipatzeko. Field of Vision kolektiboarekin elkarlanean egindako lan honen edukia, kutsu politiko handikoa, irudi abstraktu eta poetikoen bitartez eratzen da. Aukera honekin, Getxophoto-k, forma narratibo berriekin bat egiten jarraitzeko asmoa duela erakutsi nahi du.

San Frantziskon, Ameriketako Estatu Batuetan, jaio zen 1984an eta Brooklyn-en bizi da, New Yorken. University of Californian (Berkeley) eta Tisch School of the Arts New York University-n lizentziatu zen. Josh artista digitala da, eta datuen irudikatzeengatik da ezaguna. Creó Metadata +, izeneko iPhone-erako aplikazioak jakinarazpena bidaliko luke modu automatikoan Pakistanen, Yemenen edo Somalian dron bidezko erasoren bat gertatuz gero. Apple-ek aplikazioa 12 aldiz ukatu zuen, edukia "gordina eta objektagarria" zelako. The Intercept-en lan egiten du Jeremy Scahill, Glenn Greenwald eta Laura Poitras kazetariekin. Begley-k bi laburmetraia zuzendu zituen, Good Luck with the Wall (2016, Ohorezko Aipamena jaso zuen Prix Ars Electronica-n 2017an eta ICP Infinity Award baterako izendatua izan zen) eta Concussion Protocol (2018), biak ere Laura Poitras-ek ekoiztuta, Oscar bat irabazi zuenak hain zuzen ere. Bere lana honakoetan agertu da: The New Yorker , The New York Times, Wired, MSNBC, The Guardian, The Atlantic, New York Magazine eta New Museum of Contemporary Art.

Josh Begley (AEB, 1984)
Good Luck With the Wall

2018ko edizioa
Proeikzioa
Non: Antzinako Info Puntua