Infernua da. Infernua lurraren gainean, gaur egun, Ghanan, azkeneko urteetan Europa eta Estatu Batuetatik datozen hondakin elektronikoen helmuga nagusienetakoa. Acra hiriburuan, negozio ilegalak egiten dira e-hondakinen trafikoaren inguruan, diru-iturri handia. Ghanako handizkariek berriz ere erosten dute material hori, eta segidan Acrako zabortegira bidaltzen dute umeek erre dezaten. Berreskuratutako kobrea nigeriar edo indiarrei salduko zaie berriz ere, eta horiek Europara bidaltzeko bitxi merkeak egiteko erabiliko dute. NBEren arabera, urtero berrogeita hamar milioi tona hondakin elektroniko sortzen dira. Horrek ingurumen eta osasunean eragiten dituen ondorioak dramatikoak dira. Agbogbloshie Market zabortegiak 10 kilometroko hedadura dauka. Egunsentitik eguzkia sartu arte, 10 eta 25 urte bitarteko ehundaka ghanatarrek asteko zazpi egunak ematen dituzte ordenagailu zaharrak desmuntatzen eta plastikozko edo gomazko osagaiak erretzen, kobrea berreskuratu ahal izateko. Berunak, merkurioak eta PVC-aren lurrunak eragindako kalte ekologikoak eta osasunaren kontrakoak ere imajina ditzakegu. Zuzeneko gerturatze dokumentalarekin, horixe da argazkilariak salatzen duena.

Nyaba Léon Ouedraogo Burkina Fason jaio zen 1978an, eta Paris eta Afrika ekialdearen artean bizi eta lan egiten du. Bidaia-erreportajean oinarritutako argazkilaritza mota berritzailea egiten du eta bere ikuspuntuak fotokazetaritza eta argazkilaritza dokumentalaren arteko mugak nahasten ditu. Bere lana Afrika eta Frantziako hainbat lekutan erakutsi dute. 2011n Union Européenne Prize eta Foundation Blachère Prizeko irabazlea izan zen.

Nyaba Léon Ouedraogo (Burkina Faso, 1974)
The Hell of Copper

2014ko edizioa
Kanpoko instalazioa
Non: Algortako azokako kanpoaldea
Laguntzailea: Algortako azokako merkatariak